Përbërja

1. Prof. Dr. Vejsel Rizvanolli
2. Prof. Asoc. Dr. Adriatik Meta
3. Prof. Asoc. Dr. Bardhyl Misja
4. Prof. Dr. Sejfulla Shtëpani
5. Dr. Arben Kaçurri
6. Dr. Robert Çina
7. Dr. Dhimitraq Prifti
8. Mirlinda Galushi
9. Migena Plasa

Regullorja

Neni 8
1. Senati i Akademisë është organ epror kolegjial, i zgjedhur i Akademisë. Ai vendos për problemet më të rëndësishme të institucionit, në fushën e mësimit, kërkimit shkencor, administrativ e financiar. Ai rizgjidhet një herë në 3 vjet.

2. Anëtarët e Senatit, që përfaqësojnë personelin mësimor e shkencor, duhet të kenë tituj e grada shkencore dhe zgjidhen me shumicë votash nga departamentet. Anëtarët e Senatit përfaqësues të administratës e ata studentë, zgjidhen përkatësisht nga administrata dhe studentët, sipas një procedure të përcaktuar në Rregulloren e Zgjedhjeve. Anëtarët e jashtëm zgjidhen nga këshillat e departamenteve.

3. Senati përbëhet nga 13 anëtarë, si më poshtë:
- Rektori i Akademisë, i cili është dhe Kryetari i Senatit;
- Përgjegjësat e departamenteve;
- Nga një anëtar për çdo departament, zgjedhur me votim të fshehtë nga departamenti;
- Një përfaqësues nga administrata;
- Një përfaqësues të studentëve;
- Dy anëtarë të jashtëm, të zgjedhur nga këshillat e departamenteve.

4. Mandati i Senatit është 4-vjecar. Mandati i anëtarit të Senatit merr fund:
- Me mbarimin e afatit të mandatit;
- Kur jep dorëheqjen;
- Me largimin nga Akademia
- Kur mungon rradhazi pa arsye në 2 seanca mbledhjeshtë Senatit.
- Në këto raste bëhet zëvendësimi i anëtarit të larguar, me anë të zgjedhjeve të reja, brënda dy javëve në njësinë që përfaqëson anëtari i larguar.

5. Senati mblidhet në senaca të zakonshme të paktën 1 herë në dy muaj. Rendi i ditës propozohet nga Rektori dhe miratohet në çdo rast nga Senati.
Ai mund të mblidhet edhe në seanca të jashtëzakonshme, me një rend të caktuar dite:
- Me nismën e Rektorit.
- Me kërkesën me shkrim nga 1/3 e antarëve.

6. Mbledhja e Senatit zhvillohet, kur janë të pranishëm më shumë se gjysma e anëtarëve të Senatit; vendimet e tij merren me shumicën e thjeshtë (mbi 50%) të anëtarëve të Senatit.

7. Për marrjen e vendimeve, mirëkuptimi dhe votimi i hapur është procedurë e zakonshme. Mënyra e votimit të fshehtë është e detyrueshme në rastin e votimeve nominale, procedurave të klasifikimit të punonjësve mësimorë-shkencorë dhe sa herë që kërkohet nga Kryetari ose vetë Senati.
Çdo anëtar e ushtron vetë të drejtën e votës, pa pasur të drejtë ta delegojë atë.

8. Seancat e Senatit nuk janë publike, por në to mund të ftohen persona të jashtëm për mendime. Vendimet e Senatit janë të detyrueshme për të gjitha instancat e Akademisë.

9. Në mbledhjen e tij të pare, Senati zgjedh nënkryetarin e tij, i cili zëvendëson Kryetarin në rast mungese, miraton dhe Rregulloren e tij të Brendshme.

10. Senati ka këto kompetenca:
a. Përcakton drejtimet e zhvillimit të Akademisë dhe politikat e kërkimit shkencor të saj;
b. Miraton planin mësimor të Akademisë;
c. I bën kërkesë Këshillit të Akreditimit, për vlerësimin e cilësisë dhe akreditimin e kurseve të studimit të Akademisë;
d. I propozon Ministrisë së Arsimit dhe Shkencës hapjen e mbylljen e departamenteve dhe njësive të tjera të përfshira në strukturën e Akademisë, hapjen e shkollës pasuniversitare si dhe hapjen e kurseve të specializimit.
e. I propozon Ministrisë së Arsimit dhe Shkencës normat vjetore të ngarkesës mësimore shkencore për personelin mësimor-shkencor.
f. I propozon Ministrisë së Arsimit dhe Shkencës të gjitha llojet e kuotave të pranimeve të studentëve në Akademinë e Edukimit Fizik dhe Sporteve “Vojo Kushi” si dhe tarifat e përgjithshme dhe të veçanta të shkollimit për çdo vit shkollor;
g. Nëpërmjet Ministrisë së Arsimit dhe Shkencës, i propozon Qeverisë projekt- buxhetin për Akademinë e Edukimit Fizik dhe Sporteve “Vojo Kushi”; pas miratimit të tij, miraton ndarjen e buxhetit;
h. Miraton Statutin e Akademisë dhe ia përcjell Ministrisë së Arsimit dhe Shkencës për miratim;
i. I bën propozime Komisionit të Kualifikimit Shkencor për klasifikimin e personelit mësimor shkencor, sipas vendimeve dhe rregullave në fuqi;
j. Ratifikon marrëveshjet e nënshkruara nga Rektori në emër të Akademisë, për antarësimin e institucionit në organizata kombëtare dhe ndërkombëtare të Arsimit të Lartë, për bashkëpunimin me universitete dhe shkolla të tjera të larta të vendit e të huaja, marrëveshjet e bashkëpunimit me organizmat jo qeveritare, donatorë vendas e të huaj, që mund të ndihmojnë në zhvillimin e Akademisë si dhe çdo marrëveshje që Rektori nënshkruan në emër të Akademisë;
k. Në punën e tij, krijon komisionet (të përherëshme ose të përkohëshme), për problemet që i quan të rëndësishme, me anëtarë të Senatit e të ftuar, sipas përcaktimeve në Rregulloren e tij;
l. Miraton Redaksinë dhe Rregulloren e botimit të organit shkencor të Akademisë;
m. Cakton Komisionin e Zgjedhjeve në shkallë Akademie.
n. I propozon Presidentit të Republikës nëpërmjet MASH-it për dekorimin e personelit të Akademisë.
o. Analizon punën e komisioneve të tij.