- Drejtoria e marrëdhënieve me jashtë
- Dega e Informacionit Studentor dhe Rregjistrimit
- Biblioteka
- Drejtoria e Financës dhe Buxhetit
- Drejtoria e Manaxhimit te Objekteve Sportive dhe Shërbimeve
- Drejtoria Juridike dhe Burimeve Njerëzore,Arkiv
- Sekretarja e Rektorit

Drejtimi i Administratës
Administrata punon nën drejtimin e Rektorit, Zv/Rektorit, Kancelares, të cilët ushtrojnë kompetencat e tyre administrative në përputhje me Statutin, Rregulloren e Brëndshme të Universiteti të Sporteve të Tiranës.
Elementët përbërës të Administratës mbajnë kontakte me drejtorinë përkatëse të MASH në drejtim të zbatimit të urdhërave dhe udhëzimeve.

Drejtoria e Marrëdhënieve me Jashtë
Përgjegjës: Artan Pogoni


Drejtoria e marrdhënieve me jashtë nën drejtimin e Rektorit mbulon të gjitha mardhëniet me institucionet dhe organizmat e huaja, zbatimin e marrveshjeve të lidhura me ta, aktivitetet në kuadrin e rrjeteve universitare e ballkanike, zbatimin e projekteve ndërkombëtare në të cilat merr pjesë institucioni, në përputhje me ligjet e shtetit shqiptar. Drejtoria e marrdhënieve me jashtë ndjek këto detyra:
1. Bën përpjekje për lidhjen ndëruniversitare për nënshkrimin e marrveshjeve dypalëshe ose shumëpalëshe, hartimin e projekteve e marrveshjeve dhe ia paraqet Rektorit për miratim.
2. Ndjek zbatimin e marrveshjeve ndëruniversitare, kujdeset për zbatimin e tyre dhe harton programet.
3. Ndjek të gjitha veprimet për realizimin e marrdhënieve me jashtë.
4. Ndjek lidhjet dhe në kuadrin e rrjeteve universitare ballkanike:
a. Informohet për këto organizma dhe interesin e tyre për institucionintonë.
b. Kryen veprimet e anëtarësimit.
c. Mban lidhje me koordinatorët përkatës dhe informon Rektorin për aktivitetet që parashikohen dhe projektet e mundshme. Për projektet informon departamentet e interesuara dhe bashkëpunon me to gjatë realizimit të tyre.
5. Ndjek realizimin e projekteve Tempus dhe të tjera ndërkombëtare.
a. Mbledh informacion për projektet e Komunitetit Europian e institucioneve të tjera ndërkombëtare e sygjeron Rektorit rrugët e pjesëmarrjes në to.
b. Krijon lidhje me organizmat joqeveritare fondacioneve të ndryshme, duke kombinuar projektet ndërkombëtare me projektet e tyre.
6. Kujdeset për njohjen e Universitetit jashtë shtetit.
a. Ndjek krijimin dhe pasurimin e e faqeve të Universitetit në Internet.
b. Ndjek hartimin, botimin e pasurimin e guidës universitare në gjuhë të huaja.
c. Kujdeset për nxjerrjen e broshurave e fletëpalosjeve informative të institucionit në gjuhë të huaja.
7. Harton tekstet e telegramet të urimeve me jashtë.
8. Zbaton çdo urdhër të posaçëm të Rektorit të Universitetit për situata të veçanta, urgjente dhe ngjarjeve të rëndësishme në jetën e institucionit.
9. Në fund të vitit dega marrdhënieve me jashtë i paraqet me shkrim Rektorit veprimtarinë e saj.

Dega e Informacionit Studentor dhe Rregjistrimit
Në veprimtarinë e saj varet nga Zv/Rektori i Universitetit. Ajo drejton, organizon dhe zbaton të gjitha urdhërat e udhëzimet e Rektorit në lidhje me detyrat që mbulon.
Dega e Informacionit Studentor dhe Rregjistrimit kryen këto detyra:
1. Drejton dhe organizon punën për studentët pjesëmarrës në konkurs.
2. Ndjek ecurinë e provimeve të Universitetit.
3. Merret me çështjet praktike të organizimit të provimeve.
4. Përgatit, firmos diplomat përfundimtare të notave.
5. Dërgon informacione me shkrim për studentët të gjitha zyrave të interesuara jashtë Universitetit, kur një gjë e tillë
kërkohet prej tyre.
6. Jep informacion dhe vërtetime të ndryshme të studentëve brenda dhe jashtë vendit.
7. Merr masa për ruajtjen dhe mbrojtjen e dokumentacionit nga rreziqet e ndryshme si zjarri, uji, dëmtimet, shpërdorimet, etj.
8. Pas njoftimit zyrtar të datës për fillimin e regjistrimit në konkurs e shpall atë.
9. Regjistron dhe shpall rezultatet dhe më pas fituesit e konkursit.
10. Kombinon rezultatet e nxjerra nga pedagogët për hedhjen e pikëve në kompjuter.
11. Fotokopjon listat dhe bën afishimin e tyre.
12. Bën spostimin e listës sipas udhëzimeve të MASH-it.
13. Regjistrimi i studentëve me pagesë, me spostim liste dhe me pagesë.
14. Kryhen pas shpalljes regjistrimin e fituesve të konkursit sipas grupeve, sipas rretheve, sipas seksit, dërgon listën për konviktet.
15. Afishon datat e provimeve.
16. Merr proçes-verbalet e dorëzuara me data dhe lëndë.
17. Hedh notat në regjistrin themeltar.
18. Shkruan diplomat dhe çertifikatat e notave.
19. Informon autoritetet lokale ushtarake për studentët meshkuj.
20. Informon Ndërmarrjen e Trajtimit të Studentëve për studentët konviktorë.
21. Informon për pyetjet që lidhen me konkursin, që lidhen me proçesin mësimor, që lidhen me provimet.
22. Jep vërtetimet e thjeshta dhe çertifikatat e notave.

Bibliotekat
Bibliotekat e Universitetit nën drejtimin e Zv/Rektorit interesohen për të gjithë mbarëvajtjen e punës së tyre, rregullin e shërbimin ndaj studentëve dhe punonjësve, porositë e tyre për problemet që dalin në mirëmbajtjen e shfrytëzimin e literaturës dhe marrdhëniet e tyre me jashtë.Universiteti i Sporteve të Tiranës disponon dy biblioteka atë të librit në gjuhën shqip dhe atë të librit në gjuhën e huaj.
Bibliotekat kryejnë këto detyra:
1. Mbajnë statistikat analitike vjetore mbi gjendjen e fondit libror sipas departamenteve.
2. Mbajnë statistikat vjetore për pasurimin e bibliotekave për fondin në lekë, tituj, copë.
3. Sigurojnë informacion mbi botimet e reja.
4. Mbledhin e sistemojnë sipas departamenteve kërkesat për blerjen e literaturës.
5. Ndjekin plotësimin e kërkesave të bibliotekave për pajisje e orendi dhe mirëmbajtjen e mjediseve sipas rregullave teknike të bibliotekave.
6. Bashkëpunojnë me departamentet për njohjen e titujve të librave.
7. Kujdesen për funksionimin e bibliotekave në ndihmën e shërbimit të studentëve universitarë e pasuniversitarë.
8. Bën statistikat përmbledhëse për frekuentimin e fondit libror.
9. Mban lidhje korespondence me bibliotekat brenda dhe jashtë vendit dhe interesohen për pasurimin e bibliotekave me libra, revista, e artikuj të huaj sipas porosisë që i jep Zv/Rektori.
10. Interesohen për librat e dhuruara Universitetit për inventarizimin e shpërndarjen e tyre sipas rregullave e ligjeve në fuqi.
11. Zbaton çdo urdhër të posaçëm të Rektorit të Universitetit për situata të veçanta, urgjente e ngjarje të rëndësishme në jetën e Institucionit.

Kliko ketu per te mesuar me shume mbi literaturen qe mund te gjesh ne biblioteken e Universitetit!

Drejtoria e Financës dhe Buxhetit
Drejtoria e Financës dhe Buxhetit përbëhet nga tre punonjës:
• Kryetari i Degës
• Llogaritari-arkëtari
• Magazinieri
Ndarja e punës brenda degës është kompetenca e Kryetarit të Degës.
Drejtoria e Financës dhe Buxhetit nën drejtimin e Kancelarit të Universitetit, ndjek zbatimin e të gjitha proçedurave financiare të realizimit të buxhetit të Universitetit, të buxheteve të tjera (shërbime, donacione, projekte), mbajtjen e dokumentacionit përkatës, lidhjeve të ngushta me organizmat financiare shtetëror, Drejtorinë Ekonomike në MASH. Zbaton të gjitha aktet ligjore e nënligjore të Këshillit të Ministrave, Ministrinë e Financave, Ministrinë e Arsimit dhe Shkencës, Statutit të Universitetit, Vendimeve të Senatit e urdhërave e udhëzimeve të Rektorit.
Drejtoria e Financës dhe Buxhetit ka për detyrë:
1. Mbulon të gjithë veprimet financiare që lidhen me shpenzimet për veprimtarinë e Universitetit, pagesa personeli, bursat e studentëve, shpenzimet operative dhe investimet, bën mbylljen e bilancit vjetor të Universitetit.
2. Koordinon punën me departamentet në realizimin e planeve të buxhetit e detyrave të tyre.
3. Kryhen kontabilizimin e buxhetit të Universitetit (të fondeve buxhetore, investimeve, të ardhurave, donacioneve e projekteve), si dhe ndarjen e tij sipas departamenteve.
4. Ndjek shpenzimet e buxhetit dhe fondeve të tjera që disponon Universitetit, rakordon çdo muaj situacionet e shpenzimeve si dhe ndan për çdo department shpenzimet sipas sistemit të fraksionit
5. Vepron me arkën për blerje me paranë dorë, mbyll magazinën, nxjerr situacionin mujor kryen kontabilizimin përkatës.
6. Raporton në MASH të gjitha të dhënat që kërkohen nga Drejtoria Ekonomike, koordinim zhvillimi dhe nga institucionet e tjera qëndrore (çdo 4 mujor) dhe jashtë radhe kur kërkohet nga institucioni epror në fjalë.
7. Nën drejtimin e Kancelarit nxjerr të gjitha të dhënat ekonomike që u duhen drejtuesve të institucionit për studime të ndryshme si dhe degëve të tjera në kuadrin e studimeve e aktiviteteve të miratuara nga Rektori, mbi bazën e analizës së të dhënave që disponon, bën studime e propozime për përmirësimin e strukturave financiare e të metodave të punës.
8. Zbaton çdo urdhër të posaçëm të Rektorit për situata të veçanta, urgjente e ngjarje të rëndësishme në jetën e Institucionit.
9. Në fund të çdo 4 mujori dhe të vitit kalendarik i paraqet Kancelarit një raport mbi aktivitetitn e degës. Në fund të vitit kalendarik kryen analizën e punës vjetore dhe e paraqet me raport me shkrim Rektorit.

Drejtoria e Manaxhimit të Objekteve Sportive dhe Shërbimeve
Drejtoria e Manaxhimit të Objekteve Sportive dhe Shërbimeve përbëhet nga Kryetari i Drejtorisë dhe nga Përgjegjësi i Objekteve Sportive. Drejtoria e Manaxhimit të Objekteve Sportive dhe Shërbimeve djek, ruajtjen e të gjitha objekteve dhe terreneve mësimore shkencore të Universitetit, në vënien në gadishmëri të proçesit mësimor shkencor të këtyre objekteve, për një higjenë sa më të kulturuar të mjediseve, ndjek radhën për hyrjet dhe daljet në këto objekte pas proçesit mësimor shkencor. Drejtoria e Manaxhimit të Objekteve Sportive dhe Shërbimeve varet nga Kancelari i Universitetit.
Drejtoria e Manaxhimit të Objekteve Sportive dhe Shërbimeve ka për detyrë:
1. Ndjek zbatimin e kontratave të lidhura midis punonjësve të shërbimit të Universitetit (Pastruese + Roje).
2. Ndjek të gjitha problemet që dalin gjatë zbatimit të kontratës dhe i raporton Kancelarit mënyrat për ti zgjidhur.
3. Përgatit dhe kontrollon të gjitha dokumentet që duhen për rojet, gjatë kryerjes së detyrave të tyre.
4. Kontrollon zbatimin e disiplinës për punonjësit e shërbimit (në paraqitjen në punë, gjatë zhvillimit të turnit dhe në dorëzimin e tij).
5. Ndjek zbatimin e grafikut të rojeve, dhe bën shënime në dokumentat për zbatimin e tij.
6. Kontrollon pastrimin e të gjithë Universitetit dhe merr masa për eliminimin e të gjitha parregullsive
7. Merr masa për realizimin e të gjitha aktiviteteve që zhvillohen në shkallë Universiteti (si konkurse, seminare etj) duke organizuar ruajtje e pastrimin e mjediseve ku do të zhvillohen këto aktivitete.
8. Organizon punën për mirëmbajtjen e mjediseve duke hartuar plan detyrën për radhën e tyre.
9. Harton grafikun për shfrytëzimin e sallave e terreneve sportive, në aktivitetet jashtë proçesit mësimor dhe shkencor dhe e miraton atë tek Kancelari.
10. Ndjek zbatimin e kontratave me të tretë për aktivitetet pas mësimit.
11. Për punonjësit e degës, kur këto shkelin, pikat e kontratës, mban shënimet përkatëse dhe i raporton Kancelarit.
12. I propozon Kancelarit, sanksionet që mendon të marrë për moszbatimin e pikave të kontratës me punonjësit.
13. Zbaton çdo urdhër të posaçëm të Rektorit, Zv/Rektorit e Kancelarit për situata të veçanta, urgjente e ngjarje të rëndësishme në jetën e Universitetit.

Drejtoria Juridike dhe Burimeve Njerëzore,Arkiv
Drejtoria Juridike dhe Burimeve Njerëzore,Arkiv nën drejtimin e Rektorit të Universitetit mbledh e përpunon të gjitha llojet e informacionit të kërkuara nga instancat shtetërore, MASH-i dhe Rektorati, siguron informacionin për institucionin sipas Statutit dhe vendimeve të Senatit.
Drejtoria Juridike dhe Burimeve Njerëzore,Arkiv kryen këto detyra:
1. Mbledh (në bashkëpunim me Kryesekretaren) informacionin e nevojshëm lidhur me regjistrimet e studenteve dhe bën përpunimin e tyre në bazë të kërkesave të MASH-it dhe Rektoratit.
2. Mbledh (në bashkëpunim me Degën e Financës) të dhënat e shpenzimeve sipas zërave dhe përpunon informacionin çdo vit.
3. Mbledh të dhënat e personelit mësimor shkencor dhe bën përpunimin çdo vit.
4. Mbledh të dhënat shifrore të rezultateve të studentëve në sezonet e provimeve dhe bën përpunimin e tyre sipas kërkesave të Rektorit.
5. Kryhen sistemimin e dërgimin, sipas kërkesave e normave shtetërore, informacionin për programin kombëtar të statistikës.
a. Të dhëna mbi treguesit e punës.
b. Të dhëna mbi investimet e kryera nga institucioni.
c. Të dhëna mbi studimet, numrin, prejardhjen e rezultateve të tyre në vite.
6. Mban dokumentacionin e plotë e të rregullt mbi të dhënat, kualifikimin dhe aktivitetitn mësimor shkencor të personelit akademik, ndihmës mësimor e shkencor e administrativ.
7. Ndjek ndryshimet e numrit të punonjësve të pagave përkatëse dhe realizimin e tyre.
8. Sipas ligjit bën veprimet përkatëse për çdo lëvizje.
9. Mban lidhje me drejtoritë dhe sektorët e MASH-it dhe i përcjell atyre informacionet.
10. Zbaton çdo urdhër të posaçëm të Rektorit, për situata të veçanta, urgjente e ngjarje të rëndësishme në jetën e Institucionit.

Sekretaria e Rektorit
Sekretaria nën drejtimin e tij mban përgjegjësinë e zbatimit të të gjitha porosive të dhëna prej Rektorit nën komunikimin shkresor apo gojor për degët, departamentet dhe persona të veçantë dhe të mbajtjes, ruajtjes dhe paraqitjes në kohë të dokumentacionit që ai paraqit. Sekretaria kryen këto detyra:
1. Ndihmon në përgatitjen e materialeve për Rektorin e Senatin.
2. Mban evidencën e porosive që merr nga Rektori, Zv/Rektori dhe Kancelari për punonjësit, degët, seksionet, departamentet.
3. Merr në dorëzim nga protokolli korespondencën dhe materialet e tjera që vijnë në adresë të Rektorit dhe Institucionit.
4. Kontrollon para se t’i kalojnë për firmë Rektorit për t’i sistemuar e kontrolluar rregullsinë e tyre.
5. Mban protokollin e mbledhjes të Rektoratit, të Senatit e të mbledhjeve të tjera që organizon Rektori, të cilat pasi i firmos vetë ia paraqit titullarit për firmë.
6. Merret me organizimin e mbledhjeve të Rektoratit dhe të Senatit (shpërndarje materialesh, lajmërime etj.).
7. Ndjek zbatimin në afate të detyrave të lëna në mbledhjet e Rektoratit dhe informon Rektorin për problemet.
8. Pret personat që kërkojnë takim me Rektorin, i orienton për probleme të veçanta dhe sipas porosisë së tij ndjek zgjidhjen e problemit, mban evidencën e pritjeve.
9. Mban e ruan sipas rregullave në fuqi materialet dokumentare me përdorim të përditshëm, praktika e të cilave është e papërfunduar si dhe vendimet e Rektorit e të Senatit, informacionet e paraqitura Rektorit etj., të cilat në përfundim të akateve i dorëzon në arkiv.
10. Ka në përdorim aparatin e faxit, kompjuterin, telefonin e zyrës dhe materialet e zyrës së Rektorit si dhe fotokopjen. Mban në evidencë fakset e nisura sipas porosive të Rektorit dhe ato të marra ia paraqet Rektorit.